Juppiter, cum Thetis Peleo nuberet,

Juppiter, cum Thetis Peleo nuberet, ad epulas dicitur omnes deos convocavisse, excepta Discordia. Quae, cum postea supervenisset nec admitteretur ad epulas, ad janua misit in medium malum, dixit, ut, quae esset formosissima, attolleret. Juno, Venus, Minerva formam sibi vindicare coeperunt. Inter quas magna Discordia orta, Juppiter imperat Mercurio, ut deducat eas in Idam montem ad Paridem eumquae jubeat judicare. Cui Juno, si secundum se judicasset, pollicita est in omni Asia eum regnaturum et divitis praeter ceteros praestaturum esse; Minerva, si inde victrix discederet, formosissimum inter mortals futurum et omnis artificii peritum; Venus autem Helenam, Tyndarei filiam, formosissimam omnium mulierum, se in conjugium daturam esse promisit. Paris donum posterius prioribus anteposuit Veneremque pulcherimam esse judicavit. Ob id Juno et Minerva Trojanis Fuerunt infestae. Paris Veneris impulse Helenam a Lacedaemone ab hospite Menelao Trojam abduxit eamque in conjugio habuit.